- BERA gure herria - BERA nuestro pueblo
Polaroid noticia DON JULIOREN ARRASTOA







Pasaden 2014ean Don Julio Caro Barojak 100 urte bete izananen lituzke. Hau dela eta otsailean hasi ziren antolaketa bilerak eta
Don Julioren arrastoan izenpean urte guztian zehar ekitaldi desberdinak antolatu ziren , txistularien bilkurarekin hasi eta berako
herriak kultur etxean eskeini zion omenaldia, eta Nafarroako gobernuaren eskutik etorritako lore eskeintza, Iruñeako
abesbatza eta berako udalaren laguntzarekin antolatuak. Ekitaldi guzti horien irudiak bildu ditugu oraingoan denek gozatu ahal izateko.
Polaroid noticia DON JULIOREN ARRASTOA – MUGARUIK GABEKO TXUNTXUNEROAK






Julio Caro Barojaren jaiotzaren 100. urteurrena dela eta 2014. urte honetan ekitaldi desberdinak antolatzen hari dira, DON JULIOREN ARRASTOA izenburupean. Lehendabiziko ekitaldia pasaden Ekainaren 15ean egin zen Txistulari elkartze batekin, denetara 65tik gora txistulari bildu ziren Beran.
Pio Caro Barojak, bere etxean ( Itzea ) jaso zituen txistulariak, eta beren ´Hai, hori begi ederrak!` elkarrekin entzun zuten. Era berean Josu Goiaren 'Urtzi thorren begia' oroigarria jaso zuen.
Beranduago berako kaleetan ibili ziren eta bukatzeko Itzean bildu ziren.
Polaroid noticia JULIO CARO BAROJA





Julio Caro Baroja (herrian Don Julio deitzen zitzaion) 1914ko urriaren 13an jaio zen Madrilen, eta Beran hil zen 1995eko abuztuaren 18an.
Aurten, 2014ean, beraz, 100 urte beteko lituzke, eta seguru gaude Beran ospatu nahiko lituzkeela, izan ere, hagitz gustuko zuen Juliok gure herria.
Gure webgunetik omenaldi ttiki bat egin nahi diogu, eta horretarako, herria eta herritarrekin zuen lotura estua erakusten duten argazki sorta prestatu dugu.
1981eko ekainean herriak omenaldia eskaini zion, eta 1981 eta 1990 urteen artean “Excursiones por Navarra” izenarekin hainbat bidaia egiteko aukera izan genuen berekin batera, gure herri eta inguruak hobeki ezagutuz.
Gure herriko kultur etxeak bere izena du, eta irekiera ekitaldian berekin bizitako pasadizo ugari ezagutzeko aukera izan genuen.
Herritarrak izan zituen lagun Gizarte Zientzietako Asturiasko Printzea Saria jaso zuenean, bai eta hil zenean ere (Beran, berak nahi zuen bezala). Herriko San Esteban elizan egin zen bere omenezko hileta elizkizuna.
Polaroid noticia LA MIGUEL INDURAIN 2012

º



Como todo el mundo cicloturista ya lo conoce, este año La Miguel Indurain no se celebrará en Bera. Después de veintiun años organizando esta prueba en nuestro pueblo, el Club Ciclista Beratarra decidió no volver a hacerlo. Muchos pensamos que la prueba podía haber seguido organizándose en nuestro pueblo, pues ganas no faltan y gente dispuesta tampoco, pero este año la organizan en Villaba. Han sido muchos los y las beratarras que con su voluntaria colaboración hicieron posible que La Miguel Indurain se celebrara en Bera. Nada más y nada menos que veintiun años, con muchos aciertos y también errores. Con mucha pena por nuetra parte, estas fotos de La XXI Miguel Indurain-2012 serán las últimas que pongamos en nuestra página. Seguro que este año, en Villaba, Miguel Indurain se acordará de Bera y las muchas amistades que aquí tiene. Por nuestra parte no nos olvidamos de él.
Polaroid noticia IÑAUTERIAK





Aurtengoan Iñauteriak bustiak etorri dira, ahala ere Kaldereroen bisita izan genuen ALtzateko frontoian bada ere. Ez ortzegun gizeneko Iñude eta Artzai ttikiak ezta igandeko haundien taldea ere ez ziren kikildu euriagatik eta kalez kale ibili ziren ederkiaski.
Orain eguneroko normaltasunean berriro murgilduta, tartetxo bat hartzea merezi du gure horrialdean ( pixkat atzeratuta badoa ere ) garai bateko iñauteriak eta gaur eguak irudietan ikusteko.
Polaroid noticia BERAKO BESTAK



Gainean ditugu 2012ko Berako bestak. Aurtengoak Berako abesbatzako kideek botako dute altxaferua, azken 25 urteetan egindako lanaren ezagutza eta esketza moduan. Gaur egun Euskalduna bezala baina leheno "charlot" edo agustina bezala ezaguna zenak ere 100 urte bete ditu aurtengoan. Famatuak ziren garai batean bertan bukatzen zire kalejirak.. zerbait egin beharko dugu garai haiek gogorarazteko.....
Oraingoz hemen duzue beste argazki sorta bat. Pasaden arteko argazkiak eta zahartxegoak ere argazki zaharren atalean. Besteak beste 1944 eta 1958ko besten egitaraua. Besterik gabe ongi pasa eta Gora San Esteban.
Polaroid noticia XXI. LA MIGUEL INDURAN MARTXA ZIKLOTURISTA




Beste bat eta dagoeneko 21. Aurten ere badator La Miguel Indurain Martxa Zikloturista. Uztailaren 21ean izanen da eta berriz ere txirrindulariz beteko da herria. Dena ongi atera dadin ez dira gutti izanen lanean arittuko diren herritarrak. guk ere gure aldetik, laguntzeko intentzioz pasa den urteko argazkiak jartzen ditugu denen esku.
Polaroid noticia IÑUDE ETA ARTZAIAK - KALDEREROAK




Gainean ditugu Iñauteriak. Kaldereroek Iñauteriak datozela iragarriko dute kalez kale. Iñude eta Artzaiak igandean etorriko dira guregana.
Ttikienek ere izanen dute beren eguna Ostegun gizena. Giroan sartzen joateko hemen zenbait argazki 2010-2011 urteetakoa.
Polaroid noticia BERRIKUNTZAK

Azken boladan ez dugu aukerarik izan orrialdea berritzen joateko. Ez da lan faltagatik izan, ordea. Argitaratu berri dugun BERA, BASERRIZ BASERRI liburuan lanean aritu gara burubelarri. Liburu honek Berako auzo desberdinetako 137 baserri biltzen ditu, bertan bizi den jendearen argazkiekin. Hemendik gure eskerrik beroena eman nahi diogu lan honetan lagundu diguten guztioi.
Liburua nahi duenak Berako liburudenda eta estankoetan du eskura, eta bertzela gurekin harremanetan paratzea bertzerik ez duzue. Lan honen inguruan jasotako argazkiak (liburuan agertutakoak eta bertze aunitz) poliki-poliki webgunean paratuko ditugu. Oraingoz, Dornaku auzoarekin hasi gara.
Polaroid noticia BERAKO BESTAK




Gure herriko bestak ate joka ditugu. Denak, zahar zein gazte, besten hasiera iragarriko duen altxaferuaren esperoan gaude. Gure etxeetan ere sumatzen da besta giroa, janari eta edari franko batzen baita, etorriko diren ahaide eta lagunekin gozatzeko asmoz. Guk ere gure gonbidapena luzatu nahi dizuegu, bildu ditugun argazki zahar eta berri hauekin gozatzeko. Garai bateko argazki mordoa bildu dugu besta nolakoa zen oroitarazten lagunduko diguna, argazki zaharren atalean. Bertan ikusi daitezke Kaxerna edo Txakurtxuloko iturrian egiten ziren gosariak, autotxokeak, tiobiboa, dantza lehiaketa, danborrada, argazkilariek argazkien gibeleko aldean paratzeko ekartzen zituzten marrazkiak... Bertzerik gabe, argazki hauekin gozatzea gustatuko litzaiguke, eta noski, nola ez, ongi pasa! GORA SAN ESTEBAN!
Polaroid noticia LA MIGUEL INDURAIN 2011




Dagoeneko gainean dago 2011ko "La Miguel Indurain". Hori dela eta, hemen paratu ditugu joan zen urteko argazki sorta. Gozatuko duzuelakoan, agur bero bat.
Polaroid noticia BESTABERRI EGUNA




Bestaberri eguna egun garrantzitsua da beratarrontzat. Anitz gara egun hau aintzinera atera dadin lanean ibiltzen garenak. Gure orrialdea bisitatu eta gure herrian Bestaberri eguneko ospakizunak ezagutzen ez dutenentzat historia atalean dagoen Pedro Etxenikek idatzitako artikulua irakurtzea gomendatzen dizuegu, bertan aipatzen baitira gure herriko besta honen ingurukoak.
Polaroid noticia EMAKUMEEN EGUNA




Aurten ere EMAKUMEEN EGUNA ospatu da gurean. Guk ere gure omenaldia egin nahi diegu herri honetako emakumeei. Horregatik, bertako emakumeen zenbait argazki gehitu ditugu gure bilduman. Hauek ikusterakoan gozatuko duzuela espero dugu.
Polaroid noticia BERAKO DANTZARIEN ARGAZKIAK




Ez da ttikia gure herri honek dantzen inguruan duen ohitura. Hori dela eta, gure biltze eta dokumentatze lanarekin segituz, atal berri bat egin dugu dantzarien inguruan. Hemen ikusiko dituzuen argazkiak gure lanaren emaitza dira. Seguru anitzez gehiago ere badirela, eta gustura gehituko ditugu guri bidaltzen badizkiguzue.
Polaroid noticia IÑAUTERIETAKO ARGAZKI BERRIAK - IÑUDE ETA ARTZAIAK




Iñauterien arira argazki berriak eta zaharrak gehitu ditugu gure argazki galerian.
Polaroid noticia IÑAUTERIETAKO ARGAZKI BERRIAK - KALDEREROAK




Iñauterien arira argazki berriak eta zaharrak gehitu ditugu gure argazki galerian.
Polaroid noticia BERAKO BESTAK




Oraingoan lehen pertsonan idatziko dut atal berri honen inguruko berria. Izan ere aurtengoan nik izan bait dut suziria pisteko ohorea. Ohore handia izan da neretzako beratar guztiak ordezkatzea hune horretan, eta Bera maite eta bere alde lan egiten dugun guztiak izan nahi izan nituen gogoan une horretan.

Pasa dira bestak, nahi oraindik gogoan izanen diren txupinazoa, buruandi eta erraldoiak, Meza nagusia..egun batzutan bederen krisia eta aguneroko arazo txikiak alde batera uzteko baliagarriak.
Aurtengo argazkietaz aparte aurreko urteetako zahar batzu ere bildu ditugu (1990arte ) aurrerago bukatuko dugulakoan.

Rosa Mary Errandonea
Polaroid noticia MIGUEL INDURAIN IBILALDI ZIKLOTURISTA




Datorren uztailaren 26ean ospatuko da Beran, La Miguel Indurain ibilaldi zikloturistaren XVIII. ekitaldia.
Ez dira gutti izanen bertan lanean ariko dire beratarrak, gure herria bisitatzera etortzen direnak konten uzteko.
Guk ere gure aldetik, eta hau guztia aitzakitzat hartuta, hemen bildu ditugu jende andana biltzen duen ekitaldi honen argazki bilduma, 1992an sortu zen ezkeroztik.
Polaroid noticia ENDARLATSA - N-121-A




Errepide berriko lanak bukatu diren honetan, eta dagoeneko pasa ditugun momentu txarrak ahantzi zaizkigula, errepide honen inguruko argazki sortarekin gatoz hona.
Lehenik gogora ekarri nahi genuke Auzolan N-121-A plataforma, errepide honen egoera txarra salatzeko sortu zen plataforma. Auzolanek, bertzeak bertze, Nafarroako gobernua eta Gipuzkoako Diputazioa biltzera bultzatu zituen, adostasun batera irits zitezen errepidearen inguruan. Miguel Sanzek berak onartu zuenez, “hau ez zen posible izanen herritarren uneoroko aldarrikapenengatik izan ez balitz.”. Era berean Irungo alkateak berak ere onartu zuen “herritarrek beren elkarte eta plataformen bidez azkartu dituzte lanak eta epeak”.
Gogoan izan nahi ditugu ere errepidean hildakoak, bereziki bi beratar (Patxi Errandonea eta Mikel Iturria) Endalatsan hil zirenak lubizi baten ondorioz, duela urte anitz (1953).
Errepide berriarekin eta argazki hauekin gozatuko duzuelakoan gaude.

Polaroid noticia JAUNARTZEAK





Jaunartze garaian gauden honetan, hemen aurkezten ditugu ehun bat argazki ospakizun honen ingurukoak.Bertan argi ikusi daiteke, adibidez, nesken jantzietan, batez ere, izan den aldaketa.
Konturatuko zarete argazki anitzetan ez dakigula ez zein urtekoak diren, ez nor diren agertzen direnak. Hortaz, bakarren batek datu horiek ezagutzen baditu, gurekin harremanetan jartzea bertzerik ez duzue.
Polaroid noticia IZOKIA BIDASOA ERREKAN




Izokiaren arrantza denboraldia hasia den honetan -aurtengo 'Lehenbiziko'a Ernesto Gainza beratarrak arrantzatu du, gainera-, Bidasoa ibaian izoki arrantzaren inguruko argazki bilduma eta prentsatik bildutakoak ekartzen ditugu zuengana.
Ez daude arrantzale guztien argazkiak, batez ere gure eskura ez ditugulako, horregatik jarri ditugu hauek, zuenak esperatzen ditugun bitartean. Gure nahia argazki hauekin gozatzea eta garai zaharrak zuengana hurbiltzea da, garai bateko arrantzaleen eta etorkizuneko arrantzaleen argazki bilduma honeki.
Polaroid noticia EMAKUMEAREN EGUNA




Martxoaren 8an ospatuko den Emakumearen egunaren harira, Berako emakume batzuen argaki bildumatxo hau egin dugu, dauden eta ez dauden, gaur eta atzoko emakume guztien omenaldi gis
Polaroid noticia INAUTERIAK




Aurten Otsailan ospatuko ditugu inauteriak Beran.
Lehenbizi, kaldereroak, Hungariatik etorriko dira otsailaren 14an, Momo erregearen etorrera iragartzera.
Ondoren, igandean, Inude eta Artzaiak etorriko dira gure herrira, Aita Joxepe edo Momo erregea beraiekin dutela umorea eta besta karrikaz karrika zabaltzera.
23a izanen da egun handiena.Seguruenik, kuadrilla gehienek dagoeneko prest izanen dituzte beren gurdi eta mozorroak 'zingar-arraultze' eskean ibiltzeko.
Guk, gure aldetik, besta hau aitzakitzat hartu eta bertze argazki mordoa gehitu dugu zuen eskura paratzeko. Inudeak eta kaldereroak, baina hurrengo egunetan asteleheneko mozorroak biltzen dituenak ere bai.
Zuen gustuko izanen direlakoan gaude eta berriro ere oroitarazten dizuegu nahi izanez gero, gurekin harremanetan paratzen ahal zaretela, guri argazkiren bat bidali eta orrialde honetan ager dadin.
Polaroid noticia EGUBERRI ON



Eguberriek, argazki berriak ekarri dituzte gurera. Erregeetakoak, Olentzerokoak eta Dios te Salvekoak, baita jaiotzak ere.Hauekin gozatzeko aukera izanen duzuelakoan gaude.
Gure aldetik, Olentzero eta Erregeak zuekin ongi portatzea eskatzen dugu, eta era berean, guretzat, argazki zaharren bat eskatu diegu, zuen etxetako mahai gainean egun hauetan izanen diren argazki horietakoren bat.
Bertzerik gabe, orrialde hau egiten dugun guztion partez, EGUBERRI ON.
Polaroid noticia BERRIKUNTZAK

Lasaitasun egun batzuen ondotik berriz ere lanean gabiltza www.beragureherria.com webgunean. Hurrengo egunetan berrikuntzak ikusiko dituzue , irakurtzen ari zareten atal hau bera besteak beste.
Polaroid noticia ARGAZKI BERRIAK



Argazki berriak gehitu dira argazki historikoen atalean Posta txarteletan. Ikusteko klik hemen
Polaroid noticia MILESKER

Milesker jasotzen hari garen mezu guztiengatik, agian ez dugu izanen aukerarik denei banan banan eskertzeko baina mezu honen bidez horrialdea egiten jarduten dugun guztion partetik milesker.